Pagina:Le Ciàcole de Bepi, Roma 1908.pdf/56

Sta pagina la xe stà trascrita, ma la gà ancora da vegner rileta.

IL CANTO DEL GONDOLIERE.

Frede acque e pesci cari,

Dolève del mio mal, de la mia doia.

So Eminenza in gondoleta
Una volta gò menà,
Che l'andava a dir compieta
Dal Piovan de San Tomà.

     Sbatociava le campane
E lu alegro el s'è voltà
E 'l m'ha dito: «Tita Nane,
Sastu cossa gò pensà?

     «Gò pensà de farte prete
O per forza o per amor
E s'el tempo lo permete,
Te deventi Monsignor.

     E cussì, se no te scapa
Qualca ostieta in venezian,
Tita Nane, i te fa Papa
E te regni in vatican.