Pagina:La regata de Venezia (1845).djvu/54

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Tuti quanti se congratula,
     Lo saluda, e ghe dà lode:
     Chi lo basa, chi lo strucola;
     164E lu intanto se la gode.

Quel dal zalo col porcheto
     Tien in barca sta bestiola,
     Che gà al colo un galaneto,
     168E che ciga a piena gola,

Perchè tenta el so paron
     De ficarla soto prova;
     Ma per far sta operazion
     172I so sforzi no ghe zova.

Quando 'l popolo la vede,
     E le urlàe la sente a dar,
     Xe in alora che sucede
     176Un bacan particolar.

Chè se sforza questo e quelo
     A fischiar e bater man;
     E per questo gh'è un bordelo
     180Che 'l se sente un mìo lontan.

E finìa la prima Corsa,
     Per la qual chi vince ride,
     Gà ugualmente sta risorsa
     184I premiài ne l'altre sfide.

Chè de gondole e bateli
     Le Regate se faceva;
     Ma ele dopo, e prima queli
     188Ben s'intende, se vedeva.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/54&oldid=66173"