Pagina:La regata de Venezia (1845).djvu/53

Da Wikisource
Sta pagina la xe stà trascrita, ma la gà ancora da vegner rileta.


E quel premio el porta via
     In virtù de una vogada,
     Che 'l secondo gavarìa
     136Se 'l l'avesse più fracada.

Questo prova che destrezza
     In sti do xe squasi ugual:
     Che de poco in arditezza
     140L'un a l'altro ghe preval.

Co le man, co i fazzoleti
     Tuti al primo ghe fa feste;
     Quando l'altro senza obieti
     144La bandiera gà celeste.

Quà gh'è replica de aplausi
     Per i primi vincitori;
     Mentre vien chi chiapa i premii,
     148Che gà i altri do colori.

Finalmente ariva i ultimi,
     Anca questi pur famosi,
     De un trïonfo testimonii
     152Disputà da valorosi.

Za se sente in aria un susio
     Dipendente dal rumor,
     Che fa queli, i quali annnzia
     156Vincitor per vincitor.

Chi xe in premio pianta subito
     Su la prova la bandiera:
     Zira in volta pien de giubilo,
     160E ridente el gà la ciera.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/53&oldid=66177"