Pagina:La regata de Venezia (1845).djvu/44

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Co ti è là, sii svelto e voltilo
     Ben tirando l'acqua in pressa,
     Chè esser presto come un fulmine
     164Quelo xe che più interessa.

Dal paleto a la roversa
     Ti vien zoso a tombolon,n18
     No ghe intopo che traversa;
     168E ti trovi un secondon.n19

Vien de longo, e senza acorzerte,n20
     Sta sicuro che in menuti
     Ti ti pol a la gran Machina
     172Arivar prima de tuti.

E se a ti fusse a redosso
     Dei Coleghi qualchedun,
     Per megnarte 'l remo adosso,n21
     176E per meterte a dezun,n22

No sta entrar in compromesso:n23
     No lassar la to vogada:
     Za no xe, ti sa, permesso
     180Che de darghe una grignada.n24

Cerca pur de consegnarghela;
     Ma no farghe prepotenze,
     Chè proibìe xe a tuto scrupolo
     184Le vendete e le insolenze.

E ritien per bona regola,
     Che no gh'è megio maniera,
     Per refarse da le insìdie,
     188Che de meterse in bandiera.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/44&oldid=66194"