Pagina:La regata de Venezia (1845).djvu/38

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


IV.


BENEDIZION E ISTRUZION.


Congedà dal so Paron
     Gò za dito a note chiare,
     Che vegniva el bon Campion
     4A la casa de so pare.

Gera là che lu trovandose
     Fra ogni amigo e ogni parente,
     Sucedeva, ma sul serio,
     8Una scena comovente.

Ma coragio in prima unanimi
     I ghe fava al candidato,
     I ritrati insin mostrandoghe
     12Dei premiai nel so Casato.n6

E se premii guadagnai
     Lu gaveva nel passà,
     I triönfi riportai
     16Ghe vegniva recordà.

Ma se 'l gera el primo caso
     Che a la sfida el se esponeva,
     I lo fava persuaso
     20De le forze che 'l gaveva.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/38&oldid=66190"