IV.
BENEDIZION E ISTRUZION.
Congedà dal so Paron
Gò za dito a note chiare,
Che vegniva el bon Campion
4A la casa de so pare.
Gera là che lu trovandose
Fra ogni amigo e ogni parente,
Sucedeva, ma sul serio,
8Una scena comovente.
Ma coragio in prima unanimi
I ghe fava al candidato,
I ritrati insin mostrandoghe
12Dei premiai nel so Casato.n6
E se premii guadagnai
Lu gaveva nel passà,
I triönfi riportai
16Ghe vegniva recordà.
Ma se 'l gera el primo caso
Che a la sfida el se esponeva,
I lo fava persuaso
20De le forze che 'l gaveva.
