III.
PARTICOLARITÀ NOTABILI.
Del bel zorno de la gloria
Tocarave de parlar;
Zorno questo inestimabile,
4Delizioso, e singolar.
Ma quà prima imaginemose
De Venezia el gran Canal,
Che gà ai fianchi tante fabriche,
8Che de lu no gh'è l'ugual.
E sta strada figuremose
A le barche parechiada
Fra balconi, e in mezo a pergoli
12Fornìi aposta in sta zornada.
Figuremose in più angoli
Sora palchi varie Bande
Co le insegne de la musica,
16Co stendardi e co ghirlande.
Figuremose quà e là
Gran bandiere e gran Festoni,
Spechi, quadri, e in quantità
20D'oro e arzento sguazzaroni.
