Pagina:La regata de Venezia (1845).djvu/28

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Chi vogava de no ofenderse
     Se faceva la protesta,
     Che zurada gera in regola
     164La vizilia de la Festa.

E in quel zorno avendo termine
     De la Corsa ogni esercizio,
     I Campioni, dal far pratica
     168I passava a un altro ufizio.

Gera questo un ato semplice
     De rispeto e devozion,
     Che i faceva verso el Paroco
     172Per la so benedizion.

E de fati drio le supliche
     Che sto fin gaveva in base,
     El Piovan premurosissimo
     176Se portava a le so case.

Malapena che 'l vegniva,
     (Dai parenti circondà),
     Lu quel Bravo el benediva
     180A la Corsa destinà.

Drio de questo pien de zelo
     El passava a benedir
     O la gondola, o 'l batelo,
     184Che doveva a Lu servir.

In sta barca, za fornìa,
     Gera messo co fervor
     El ritrato de Maria,
     188O de un Santo protetor.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/28&oldid=66151"