Pagina:La regata de Venezia (1845).djvu/25

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Balotine, Malgarote,
     E Bateli d'ogni sorte,
     Gran Bissone, gran Peöte
     80Degne in lusso de una Corte;n4

Gera barche queste infati
     Proprio a sfarzo parechiae,
     Che costava a conti fati
     84Forse intiere de le entràe.

Chè fornìe le se vedeva
     Co elegania e co decoro,
     Mentre a sguazzo le gavea
     88Petà su l'arzento e l'oro.

E ghe entrava a più colori
     Gran veludi, e drapi, e pele,
     E galani, e veli, e fiori,
     92E le piume le più bele.

La richezza e l'eleganza
     Le faceva parer bon;
     Ma ben più la circostanza
     96De trovarghe un'alusion.

Perchè varie un fato istorico
     Vechio, o novo, le indicava;
     O de istoria Mitologica
     100Un'azion le presentava.

Ghe ne gera che aludeva
     A mestieri, a profession;
     O che in mostra ve meteva
     104Qualche celebre Nazion.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/25&oldid=66188"