VIVA MANIN
La xe proprio ridicola
Che un pochi de signori
Vogia che tasa un popolo
4Per comandar po lori;
E per altra malora,
Mi lo dirò in eterno,
Voler ogni mezora
8Cambianze de Governo.
Chi seu, che ripetè
Sta solfa maledeta,
E mai no ve stufè
12De meter la pezeta?
Ma xeli do bambini?
E chi de lori megio?
Do veri Citadini
16De fati e de consegio!
Lassè che lori intrepidi
Difenda sta Cità,
Se no volè che termina
20La nostra libertà.
Vedè che senza limite,
Per tute le rason,
De sto libero popolo
24I gode l'opinion.
Che Lu se no savè
Nol bada ai vostri imbali
El vol che rispetè
28Manin e Cavedali.
Donca no ste intrigarvene
Raporto al Ministero,
Se no volè finirvela
32Un zorno a San Severo.
23 Gennaio.
- Un Batelante.
