Pagina:Il vespaio stuzzicato.djvu/92

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Havè pur dito, Astrologhi de fava,
     Che no' n'hà influssi Venere cativi!
     Guardè, se save gnanca d'esser vivi!
     120Andè pur là, che havè la vista brava!

Ma pian, sentì. Chi vuol far bon l'aseo,
     El vin meta de Venere in la zuca.
     Ve parla questa osservazion margnuca?
     124Aplaudemoghe donca, alzemo el deo.

De più. Se fà de Mercore la Luna,
     Tuto el Mese è piovoso. Osservè questo,
     Che quando l'ano corerà bisesto,
     128Le gravie è per haver poca fortuna.

Che bele cataizze! Ei mo valenti?
     Che bisesti? che mercori? che bagie?
     Gran vuovi! ò quante se faria fortagie!
     132Chi è quel, che no' ridesse a casca denti?

S'una me peterè de ste falope,
     Palo me trovereu per sustentarla?
     E ca nò? para, missia, in te'l ziogarla,
     136No' saverè butar spade, ne cope.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/92&oldid=62954"