Pagina:Il vespaio stuzzicato.djvu/55

Da Wikisource
Sta pagina la xe stà trascrita, ma la gà ancora da vegner rileta.


Piramide le Menfi habia superbe,
    Vele i Nili de sea, pupe gemae,
    Le Carie Mausolei, me basta assae
    260Le segaline, i gionchi, i vinchi, e l'herbe.

Heliogabali vani, a vostro modo
    Fe i lavezi d'arzento, e le pignate.
    Morbinose Popee, fumose, e mate
    264Fè d'oro a i Palafreni e 'l fero, e 'l chiodo.

De tera i vasi, e le stagnae de rame
    Me cuose i cibi, a suficienza boni.
    La mia verza, el mio Porco, i mij naoni
    268Me cava d'un Fagian megio la fame.

E, quando piove, o quando el Sol più ferve,
    O, s'altro gh'è, che 'l caminar me niega,
    Senza spesar cavalcadura intrega,
    272Una magra Cavala anca me servo.

Sarà soto coverti humili, e bassi
    Dolci i mij soni, e i mij respiri averti
    Più che sot'alti, e lucidi coverti,
    276Sù colone caristie, o lidij falsi.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/55&oldid=62914"