Piramide le Menfi habia superbe,
Vele i Nili de sea, pupe gemae,
Le Carie Mausolei, me basta assae
260Le segaline, i gionchi, i vinchi, e l'herbe.
Heliogabali vani, a vostro modo
Fe i lavezi d'arzento, e le pignate.
Morbinose Popee, fumose, e mate
264Fè d'oro a i Palafreni e 'l fero, e 'l chiodo.
De tera i vasi, e le stagnae de rame
Me cuose i cibi, a suficienza boni.
La mia verza, el mio Porco, i mij naoni
268Me cava d'un Fagian megio la fame.
E, quando piove, o quando el Sol più ferve,
O, s'altro gh'è, che 'l caminar me niega,
Senza spesar cavalcadura intrega,
272Una magra Cavala anca me servo.
Sarà soto coverti humili, e bassi
Dolci i mij soni, e i mij respiri averti
Più che sot'alti, e lucidi coverti,
276Sù colone caristie, o lidij falsi.
