Pagina:Il vespaio stuzzicato.djvu/54

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Un pano schieto de color fratesco
    Da l'Otobre a l'Avril sarà mia toga;
    E cercherò, quando più el Sol se infuoga,
    240Da i Platani in camisa, e l'ombra, e 'l fresco.

D'un Fiumeselo, o sù la verde riva
    Puzerò el fianco, e al mormorio suave
    Acorderò el mio canto, e manco grave
    244L'hora farò de la zornada estiva.

Pesce no' gusterò, che no' sia preso
    Da la mia cana. I Oseleti in rede,
    O al vischio condurò. Darà altre prede,
    248O balini de piombo, o lazzo teso.

E, se ben no' haverò, sù mensa vasta,
    Osei del Fasi, o pur Cingiali toschi,
    L'Horto, el Brolo, el Cortivo, i fiumi, e i boschi
    252Cibi me renderà tanti, che basta.

Se goda el Gange pur l'India a so' vogia,
    La Spagna el Tago, e l'Asia habia el Patolo;
    Mie arene d'oro, e mio dileto solo
    256Sia la Reghena, el Lemene, e la Rogia.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/54&oldid=62913"