Pagina:Il vespaio stuzzicato.djvu/38

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



O, me podessè dir, gh'è deferenza
    Dal tior la vita, al far zioghi de testa!
    Disè, ve prego! à meterme la vesta,
    200Penseu de guadagnar piena indulgenza?

Guarda ti el fato too. Sì, ma una Volpe
    Vegnì in specie d'Agnelo. E come posso
    Tanto, che basta, ochi tegnerve adosso;
    204E sò che la mia fede è senza colpe.

Xè maravegia che chiapasse Armida
    Tanti a la rede? ò Dio! me colorì
    Cussì ben le busie, che a dar el sì
    208Me xè pur la forza a quela fede infida.

Pur che se tira l'aqua al so' molin,
    Niente se stima el fat quel, che convien.
    Pur che l'utile cressa, ò mal, o ben,
    212No' se pensa a l'honesto un bagatin.

Ma l'utile, che fuora è de l'honesto
    Desprezza quel, che de bon nome hà brama:
    Che, quando l'Homo hà deturpà la fama,
    216Savè pò vù dove se peta el resto.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/38&oldid=62895"