Per tirarme in dafari, e in piezarie,
Me prometè gran cosse, e de relievo;
E po', quando bisogno hò de solievo,
20Volta la turba adulatrice el pie.
Cussì donca s'aletta, e s'imbarazza,
E pò se lassa impetolà sul megio;
Si che forza ve xè, se ben fe pegio,
24Magnar i zeti, e ingioter la spuazza?
Come ve sofre el cuor che Magistrati,
Per causa vostra, a molestar me manda?
Perche a i bisogni ve tireu da banda,
28E a i benefici ve mostreu sì ingrati?
Se mi da un labarinto, altra Ariana,
Ve cavo col mio filo, e in vù me fido,
Perche, empij Tesei, me lasseu sul lido?
32Cussì d'un cuor la fedeltà s'ingana?
Se una Filide son, che no' se sdegna
De darve albergo, ò ingrati Demofonti,
M'abandonè? Cussì me fè sti afronti?
36Forsi aspeteu ch'anca a picar me vegna?
