Pagina:Il vespaio stuzzicato.djvu/141

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Cerca però quei, che erudir te possa.
     Sapi scielta ben far dele dotrine:
     Ne meter sul fogher trope fassine,
     240E dal megio principia a dor la mossa.

Vustu cavar de le leture el fruto?
     Dal poco, ma dal bon cerca el profito.
     S'è verità quel, che un gran Savio hà scrito,
     244No' ne in liogo nissun quel, ch'è per tuto.

Intendi ben quel, che ti studij in prima;
     Ne voler scorer via pingui Minerva:
     E, se ti scrivi, i boni Autori osserva.
     248Quel, che ti fà spesso revedi, e lima.

No' te pensar gran cosse in t'una sera
     De saver far, come tal'un milanta.
     Tuto vuol tempo. O quel, che se ne vanta
     252Zavaria, o fà, scrivendo, una chimera.

No' te curar de turgida eloquenza:
     Ma sia la frase disinvolta, e pura.
     Acopia l'artificio ala natura,
     256E sia chiaro el conceto, e la sentenza.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/141&oldid=62796"