Pagina:Il vespaio stuzzicato.djvu/122

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Quanto el voler le cosse utile, e sane
     Megio saria, che le nocive, e prave!
     O quanto megio el comodo sarave
     160Andar cercando, e nò l'usanze vane!

In pè d'una bereta, e d'una stola,
     Utile più no' n'è un capel, i se piove?
     Chi è quele boche maliaze, e love,
     164Che me possa mentir mai sta parola?

E pur chi andasse in Corte de Palazzo,
     Senza la toga, e col gaban de griso,
     Comoveria tuta la Piazza a riso,
     168E che mal saria questo? O che Mondazzo!

E perche dal mal tempo, e dala piova
     No' m'hò da reparar, senza agrizzarme?
     Che miseria è la nostra? hò da bagnarme,
     172Per no' far cossa oltra l'usanza, e nova?

O, se piove, stà a Casa. El sò anca mi,
     Che no' me bagnerò, se resto in drio:
     Ma, se far me bisogna el fato mio,
     176Me sarà de vergogna el far cussi?

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/122&oldid=62775"