Della vanità delle usanze, e delle false opinioni dell'honore.
GRan cossa è questa, che no' possa l'Homo
Far quel, che'l vuol, quando no'l fazza mal!
L'hà libero l'arbitrio, e no'l ghe val?
4Sia maliazo a chi hà magnà quel pomo.
No' ghe sarave zà de l'Ambizion
Quela peste infernal, quel squarzacuor,
Quel tormenteso stimolo d'honor,
8Che ne liga le man, senza rason.
O gran magia, che de cervel ne priva,
Se nù medemi andemo incontra a i mali!
No' la posso capir. Frà i Animali,
12L'Homo è 'l piu miserabile, che viva.
E pussibil che nù se fabrichemo
Da nu medemi i lazzi, e le caene?
Donca quel fumo, onde le teste è piene,
16N'orba cussì, che piu no' ghe vedemo?
