Pagina:Il vespaio stuzzicato.djvu/109

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Fè busi in aqua, aqua pestè in morter;
     Cerchè su'l sal de sparzer la semenza.
     Ve lassè infenochiar, che havè credenza
     180De poder far zardini anca in Zener.

Se un'Homo de Republica volesse
     Viver privato, a fin de viver megio,
     Vosseu vu divertirlo col consegio?
     184Chi render grazie è quel, che ve dovesse?

Se'l no'l vuol Magistrato, e fuze el brogio,
     Per viver, senza intrighi, a sì medemo,
     Che ocor che a le grandezze el consegiemo,
     188Se la vita privata è senza imbrogio?

Se Sila, e Mario, e Cesare, e Pompeo
     No fusse stai de dominar sì vaghi,
     Visti no' s'haveria de sangue i laghi,
     192Ne Bruto sanguenario, e Tolomeo.

Se fusse ogn'un de simil fantasia,
     Che i gradi havesse, e i Tribunal a scherno,
     Vù me dirè: dove saria el governo
     196De le Cità? Disè dove el saria?

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/109&oldid=62760"