Saveu perche giera ecelenti, e bravi
I spartani Operarij in te i mestieri?
Perche xè insij tanti Homeni guerieri,
160E in te'l giudicio ponderosi, e gravi?
Perche no'i se meteva a far impresa
Senz'esser dal so' genio consegiai.
Cussì stava ciascun sù i so' contrai,
164Senza recalcitrar, senza contesa.
Se'l voler no' ghe xè, se'l genio manca,
Come possio operar, senza mia vogia?
Volè che scriva (per esempio) e togia
168La pena, e scriva ben con la man zanca?
Nol posso far. Volè, a despeto mio,
Farme tagiar cavriole, e ho la podagra?
Volè che giostra in sù Cavala magra?
172Volè che odora un fior, se son sferdio?
Se son destalentà, senza apetito,
Zò, per forza, i boconi hò da ficarme?
Cerimonia pelosa! A strangolarme,
176Qual ve penseu de guadagnar profito
