— Nina-nana.... dormi caro,
che to mama l'è darente:
se te ciami, la te sente;
qua, vissina, soto el ciaro,
che la menda 1 l’abitin,
l’abitin del so putin!...
Dormi, belo! se te sgogni 2,
se te zimii 3, se i folèti
vegnarà, con dei basèti,
pararò 4 i to bruti sogni,
e qualsiasi foletin
a scapar par el camin!....
El papa sarà qua presto,.
straco, morto, to popà....
... Nina-nana - Nina-nana;... —
El putin s'à 'ndormensà!...
Bepo Spela
Un coscrito de cavalaria, la prima volta che i lo avea fato montar a caval senza sèla, e 'l caval saltava e lu continuava andar indrio, indr'o, fin che l'è andà a terminar su la coa. Alora el se volta al caporal, e el ghe dise:
— Caporal, sto caval qua l'ò terminado: bisogna ch’el me ne daga 'n altro!
(v. f.)
