72 Ma Piero ga negà un'altra volta co zuramento: Mi quel omo no lo conosso.
73 E un pocheto dopo quei, che ghe stava atorno i s'ha fato arente, e i ga dito a Piero: Dì la verità, xestu anca ti co lori: perchè te fa za conosser la to maniera de parlar?
74 Ma lu ga scomenzà a tirarse adosso de le maledizion, e a zurar, che nol gaveva mai conossuo quel omo. E subitamente el galo ga cantà.
75 Piero alora s'ha recordà de le parole de Gesù, quando che el gaveva dito: Avanti ch'el galo canta, ti me negherà tre volte. E andà fora, el s'ha messo a pianzer e sangiotar.
E CO s'ha fato zorno, i capi dei sacerdoti, e i vechi del popolo ga tegnuo consegio contro Gesù, per farlo andar a la morte.
2 E i lo ga menà ligà, e i lo ga consegnà al presidente Ponzio Pilato.
3 Alora Giuda, che lo gaveva tradio, vedendo ch'el