Sta pagina la xe stà trascrita, ma la gà ancora da vegner rileta.
XII.
L'OMBRELA A...
(MONOLOGO DE UN IMBRIAGO)
(Se le me toca tute a mi!... Zucon
Chi nato xe, zucon za creparà;
El proverbio no sbalgia... Quando son
Propio in Campo San Stefano arivà,
Vedo, fra i lampi e 'l rebombar del ton,
Tuto vestìo de bianco, là impalà
De sora de un pilastro, un omenon
Senza capelo in testa, e intabarà.
E mi ghe zigo da lontan: — «Sior, piove.
Vôrlo l'ombrela?» O si; come un ebreo
Che contrata n'afar, lu nol se move.
Mi stava squasi per zigar: Lighè'o
Che 'l xe mato, (Çervelo xestu indove)!
Salo, sior, chi che 'l gera!..» ― «?» ― «Tomaseo!...»