Rosa.
Perchè sè una dona senza cuor, senza testa, senza prinçipii de boni costumi.
Emilia.
La diga, la varda come che la parla, sala!
Rosa.
Tasè là, che co' una parola posso confonderve, farve deventar rossa fin sula ponta dei cavei, arè!
Emilia.
Sala cossa che go da dir? Che no go vogia de savariar1 co' ela.
Per uscire.
Rosa.
Sì, corè, andevelo a trovar.
Emilia.
Chi?
Rosa.
Ma no ve intardighè, che el se stufarà de aspetarve!
Emilia.
Ma de chi pàrlela, siora?
- ↑ Savariar: ammattire.
