Emilia.
Pàrlela co' mi? So straca siora, go caldo.
Si avvia.
Rosa.
Fermève ve digo; no se trata più de far dispeti.
Sottovoce ma con forza.
So tuto!
Emilia si volge e la guarda, e lei sempre sottovoce.
So tuto!
Emilia.
Cossa?
Rosa.
Desgraziada, so tuto, ve digo.
Emilia.
La diga, el caldo ga fato dar volta al çervelo?
Rosa.
Ma xela gnanca un muso duro! Ma vegnì qua, ascoltème; vogio çercar ancora de vegnirve cole bone...
Emilia.
La diga, la se calma, la me fa paura dasseno. La me varda mi che no me scaldo mai...
