Emilia.
El m'à risposto... de sì! Galo indovinà?
Orsolina.
Mi no savarìa, eh!
Emilia.
E sto “altro„ chi podarielo esser? Perchè, mandemo a monte i scherzi, se trata del to avenir, e no bisogna po' scherzar.
Orsolina.
Vedistu, Emilia, no so gnanca mi spiegarte quelo che voria. Mi me despiase lassar Toni perchè in fin dei conti el xe un bon toso, el me vol ben; ma d'altra parte nol ga quela çerta educazion, quele çerte maniere, quel çerto far che...
Emilia.
Che ga inveçe... chi, per esempio?
Orsolina.
No vorìa...
Emilia.
Zo, coragio!
Orsolina
timidamente.
To zerman Ubaldo.
