Prendendola a braccetto e passeggiando.
E po', sa, mi li so anca senza che ti me li disi, perchè go un canarin che me informa de tuto.
Orsolina.
E cossa t'alo dito, mo'. Sentimo se el xe un busiero.
Emilia.
El me ga dito, per esempio, che a Toni no se ghe vol più ben e che no se lo vol più per mario. Xelo busiero?
Orsolina.
Veramente no savarìa...
Emilia.
“Ma”“„ — go dito mi al canarin — “se no se ghe vol ben a Toni, se ghe vorà ben a qualchedun altro.“
Orsolina.
A un altro?
Emilia.
No go fato ben a domandarghelo?
Orsolina.
Uh! Posto che ti ghe l'à domandà, cossa t'alo risposto?
