Pagina:El libro primo de la Iliade de Omero.djvu/17

Da Wikisource
Sta pagina la xe stà trascrita, ma la gà ancora da vegner rileta.


21.

El delito, vedeu, xe proprio questo.
Adesso deve de le man a torno;
A Febo un sacrifizio ofrighe, e presto,
Perchè podaria darse che un bel zorno,
Stufo de vualtri el ve petasse el resto,
Chè, se crepè, no ghe ne importa un corno.
Criseide, mandè via, vostra rovina,
In pressa, col vapor, doman matina. -


22.

Cossa te vien in testa? Me dirè,
El vapor a quel tempo no ghe gera.
Scusè, letori cari, e no credè
Che ve traduza Omero in sta maniera
Senza la so rason, el so perchè;
Un perchè, una rason mo proprio vera.
Ma ve la lasso indovinar, amici,
Torno a Calcante, e siè sempre felici.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:El_libro_primo_de_la_Iliade_de_Omero.djvu/17&oldid=62412"