Pagina:El libro primo de la Iliade de Omero.djvu/16

Da Wikisource
Sta pagina la xe stà trascrita, ma la gà ancora da vegner rileta.


19.

In bota e in furia Achile ga risposto:
- Me fazza deventar Apolo muto,
No 'l me fazza più mover de sto posto,
Se un pari to, che al fato xe de tuto,
Difender no volesse a ogni costo;
Anca se tratasse de quel bruto
Mostro de Atride sempre barufante,
Che se avanta de esser un zigante. -


20.

Alora l'indovin ga chiapà fià,
E alzando la so magica bacheta,
El dise: - No pensè che invelenà
Febo, che tanto grosse el ve le peta,
Sia perchè no gavè sacrificà:
La rason ve la canto neta e schieta,
Xe perchè Atride ga tratà da can
Crise, e so fia lu vol tegnirse in man.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:El_libro_primo_de_la_Iliade_de_Omero.djvu/16&oldid=62411"