Son cusì stracco, che non posso pì. [1]
Se avvicina l’Autuno, e el Carneval,
52E tutti quanti se confida in mi.
Più tosto che dir poco, e che dir mal
De ste do Case, de sti do Novizzi,
55Dirghe la verità xe manco mal.
Goldoni xe intrigà in ti so pastizzi. [2]
Se el podesse, gramazzo, [3] el lo farave,
58Per i Patroni l’anderia sui stizzi. [4]
In tun’altra occasion me inzegnerave,
(Seguito a dir) de stuzzegar la rima,
61De far quattro Terzetti, o quattro Ottave.
Ma gh’ho tanto rispetto, e tanta stima
Per sta casa Benzon, per casa Memo,
64Che ghe vol tempo da pensarghe in prima.
A tor la penna me confondo, e tremo,
Disemola, Compare [5], tra de nu.
67Questi i merita assae, no se burlemo [6].
Caro, el mio caro ben [7], disèlo vu,
Se per lodar sta sorte de Fameggie
70Ghe vorave sie mesi, e ancora più.
Xe fenio el tempo delle maraveggie. [8]
Una volta podeva in quattro dì
73Far tante cosse da inarcar le ceggie. [9]
Adesso, Amigo, no la xe cusì.
Semo debotto della botta al fondo,
76E ghe penso, e sfadigo ancora pì, [10]
E per questo me perdo, e me confondo,
Sentindo dei Benzoni le memorie
79Cusì famose, e strepitose al Mondo.
M’arrecordo aver letto nell’Istorie,
Che de Crema Signori, e de Milan,
82I ha avudo in Lombardia guerre, e Vittorie,
- ↑ Più.
- ↑ Qui l’Autore, sia per ischerzo, o sia per modestia, chiama le sue Commedie pasticci.
- ↑ Pover'Uomo.
- ↑ Si getterebbe nel fuoco.
- ↑ Termine d’Amicizia.
- ↑ Confessiamo la verità.
- ↑ La lingua Veneziana è piena di queste espressioni tenere verso gli Amici.
- ↑ Maraviglie, cioè, in questo senso, dei prodigj.
- ↑ Far tanto in poco tempo, che faceva stupire il Mondo.
- ↑ Ancora più.
