Pagina:Delli componimenti diversi di Carlo Goldoni 1.djvu/192

IL BURCHIELLO DI PADOVA

IN OCCASIONE DELLE NOZZE

DI SUA ECCELLENZA IL SIG.

ALVISE PRIULI,

E LA NOBIL DONNA CONTESSA

LUCREZIA MANIN

STANZE VENEZIANE.

1Gera in barca da Padoa, o sia Burchiello;
     Che va via per la Brenta ogni mattina;
     La laguna passar voleva in quello,
     E una sedia levar zonto a Fusina.¹
     Ma el comodo m'ha parso cussì bello,
     Cussì cara m'ha parso una vesina,²
     Che son andà con quel Burchiello al Dolo,³
     E ho sparagnà de la vettura el nolo.

2Folta la compagnia de zente varia,
     Tutti gera sentandi in ordinanza:
     Gh'era zente civil, zente ordenaria;
     De caratteri varj una missianza.
     E 'l mio cervel, che per el più zavaria
     Caratteri a trovar de nova usanza,
     In verità, ghe n'ha trovà tre, o quattro
     De stampa original per el Teatro.

1. Il primo luogo, che si trova in terra ferma, dove vi è la Posta.
2. Una donna presso l'autore nel Burchiello.
3. Una delle belle situazioni sulla Brenta.