Xe de l'amor platonico
L'antitesi evidente...
(Quelo dei sensi, al solito,
El dura poco, o gnente!) ―
Ma fin che da filosofo
Continuo a ragionar....
El predileto sigaro
Xe là per terminar!
Spesso, vedè, me capita
Che ciapo una scotada...,
Devento alora un diavolo
E tiro un'O... salada!
Devo però convinçerme
Che xe lege fatal
Che a un ben, per quanto picolo,
Ghe sia viçin un mal!
Che xe a sto mondo efimero
De zoventù l'ardor....,
Che eternamente zòvene
Resta soltanto Amor!
