Pagina:Collezione delle migliori opere scritte in dialetto veneziano 9.djvu/92

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.


Co la virtù poetica
     Mi spiegherò el mistero;
     Son anca mi un fatidico
     136Interprete del vero.
Indovinela è un termine
     Bassissimo e volgar,
     Ma el vostro xe un enigma
     140Dificile a spiegar:
Mi so che ghe xe un albero
     Piantà in t'un bel zardin
     Che sul ramo medesimo
     144Ga un pomo e un limoncin.
Sento che 'l Dio d'Anfrisia
     M'acende el cuor in peto;
     Che me soleva e ilumina
     148La mente e l'inteleto.
Sì, sì, la pianta fertile
     Che strolegar m'à fato
     Xe el Cavalier medesimo,
     152Aurisbe, del ritrato.
El bel seren de l'Adria,
     D'eroi zardin fecondo,
     Xe la felice Patria
     156Che l'à prodoto al mondo;
E i fruti de do specie,
     El limoncin e 'l pomo,
     Xe do Sorele amabili,
     160Prole d'un sì grand'omo;

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_9.djvu/92&oldid=66625"