Pagina:Collezione delle migliori opere scritte in dialetto veneziano 9.djvu/91

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.


No per el mondo stolido,
     No per el mondo rio,
     Ma per le sante Vergini
     108Che se reposa in Dio.
Ve par che sia stil comico,
     Indegno del Convento
     Quel che me infiama el spirito
     112Sul nobile argomento?
Anzi me par che al metodo,
     Fora del mio costume,
     Estro m'acenda insolito,
     116E che m'assista un Nume!
El Venezian vernacolo,
     Col qual parlo e rispondo,
     De sentimenti enfatici
     120Xe carico e fecondo,
Podendo la dolcissima
     Facondia Veneziana
     Con el vigor dei termini
     124Far fronte a la Toscana.
Son un Poeta scenico,
     Ma so nel tempo istesso
     Dar a virtu el so merito,
     128E far giustizia al sesso.
Tornèmo in Parlatorio,
     Contèmo a la sorela
     Per ralegraghe el spirito
     132La vostra Indovinela!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_9.djvu/91&oldid=66851"