Socrate va spuando la cicuta
78E una mugier più docile el voràve.
La razza filosofica gh'è tuta,
Ma vedo in quela certe teste mate
81Che no sta gnente ben co quela puta.
Vien po fra le persone leterate
Quel Ciceron ch'i gh'à tagià la testa,
84Quel Plinio che ga perso le zavate,
Quel, ih ih!... ma tanti a nominarghe resta
Che no se conta tante stele in Cielo,
87Nè l'istà tanti grani de tempesta!
Intanto xe qua Apolo, e vien con elo
I Poeti e le Muse, e una genìa,
90Che a Omero faria perder el cervelo;
E giusto l'orbo Omero eco vien via,
Pindaro a dreta, a zanca Anacreonte,
93E Lin e Orfeo che i ghe fa compagnia.
Vegnia el cavalo de Belerofonte,
Ma perchè el gera zoto un pie davanti
96L'è restà a far la guardia al Sacro Monte.
Virgilio fra i latini vien davanti,
E Orazio favorito de un monarca,
99E Ovidio doto maestro de amanti;
E quel toscan che con Virgilio in barca
Le bolge de l'Inferno el sta zirando,
102E monsignor Canonico Petrarca.
El gran cigno del Po cantor d'Orlando
È arente al malinconico Torquato,
