AL CONTE
ALESSANDRO PEPOLI
FAMOSO AURIGA
Se 'l povero Fetonte fusse stà
Capace come vu nel parar vìa;
I sturioni de Po no gaverìa
4L'ingorda fame a spale soe sazià.
Mi mo, che vanto sempre verità,
E che adular nissun mai poderìa,
Sentì per mia opinion quel che dirìa
8Su la vostra famosa abilità.
Dirìa donca, che credo fermamente
Che quelo de Fetonte, no sicuro,
11Ma sucedeva un altro inconveniente;
Che a forza de scuriar e tegnir duro,
Come ve vedo far presentemente,
14Ne fevi star quatr'ore prima a scuro.
