El scioco amira, el dreto se aprofita;
480E po l'è d'invenzion de quel famoso
Padre Fufigna-e-scondi eremita,
Che del mile siecento e quarant'un...”
Tùn-turùn-tùn-tùn - Tùn-turùn-tùn-tùn.
„Oimè! sentela, Padre? In verità,
485Che quel povero diavolo xe qua!
L'à da passar soto de mi! co penso
Che quel can de Mamao anca mo a mi,
Per una rason squasi su sto gusto,
Voleva circa sedes'ani fa
490Che i me mocasse a mo candela el busto,
Moro proprio de vogia
De dar un pugno su la schizza al bogia.”
Ma si calmi, eccellenza.
„Eh! gnente, Padre!
495Se la ga po paura del cataro
La se involza pur ela nel tabaro.
Adesso sì capisso la rason
Che no i vol forestieri qua a Pekin!
Sti spetacoli infama una nazion,
500Qua no gh'è umanità, senso comun...”
