Pagina:Collezione delle migliori opere scritte in dialetto veneziano 6.djvu/81

          Chi porta giande al maschio,
               Chi monze vache in stala,
               Chi la farina zala
               Tamisa su l'albol;
          25Chi va a siegar el rovere,
               Chi buta 'l fen sul caro,
               Chi carga el so somaro,
               Chi giusta el so teler.
          Al so bambozzo stupido
               30Menega dà la teta,
               Pasqua se fa la peta,
               Po stizza su el fogher.
          Vedendo l'ave a torzio
               Che i fiori ponze e chiuchia,
               35Spessega la so guchia,
               Core Lucieta al miel.
          L'aseno a zampe a l'aria
               Russa la schena in tera,
               Par che 'l dichiari guera
               40A scalzi e pugni al Ciel.
          Là, mentre l'oche e l'anare
               Se sguatera in fossato,
               Se smozza l'onge el gato,
               Rosega un osso el can;
          45Qua la galina celebra
               El so trionfo novo,
               La nascita del vovo
               Col cocodè in sopran;