Vestio da festa, in gringola
Sponta dal mar el zorno,
Ragi sbrufando intorno
Per scialo de splendor.
5Fin quele giozze limpide
Che la rosada spreme,
Lu le converte in geme,
E brila l'erba e 'l fior.
Za la colomba rugola
10Inquieta su la gorna,
Svola, se pente e torna
La prole a carezzar.
Za i passeroti a nuvole
Sbrega l'aria improvisi,
15E in bozzoli o divisi
Va i campi a spulesar.
Sparpagna l'ara i vilici
De formenton, de biava,
Togna le strazze lava,
20Po le destende al Sol.
