45Zuche, fiaschi, squele e goti;
Vegna pur sechi e mastei.
Vegna bote e caratei,
Damigiane e madalene
De Friularo tute piene,
50E bevemo,
E trinchemo,
Tracanemo
Sto bel sangue vegetabile,
Sto prezioso oro potabile.
55Benedeto!
Che dileto,
Che piacer! mo che gran gusto
Che mi provo co te gusto!
Co te gusto, caro ben,
60D'alegrezza mi son pien;
Co te bevo mi me sento
Tuto giubilo e contento.
Guai se fusse una dona... pofardìa!
Digo la verità, no conto frotole,
65Per bever de sto Vin mi ghe darìa
La scufia, el busto, el capotin, le cotole.
Bastonà,
Sculazzà,
Morsegà
70Da una vechia senza un dente,
Più rabiosa d'un serpente
Sia colù che no 'l ghe piase,
