E se meta tuti quanti
A magnarla come i risi,
445Nu vedemo tuti sbrisi
I Sartori, i Pelizzeri,
Rovinai tuti i Marzeri,
No se fabrica più pani
Nè da Schio, nè Padoani,
450Mai più bati, nè londrine,
Nè fanèle, nè schiavine;
Vien i fassi a vinti al traro,
Le manizze va in t'i gatoli,
No se mete zo le ventole
455Gnanca el mese de Genaro.
Toni, porta del Friularo;
Che la Sposa xe qua sola,
Presto, via, che la consola;
Co la xe cussì soleta
460La xe morta, povereta...
Pofardin de din, de dia!
La gran testa xe la mia!
Sì, per crispo, che son mato!
Cossa diamberne goi fato
465A no darghe a sta Sposina,
A sta bela Polentina
Anca un poco de servente
Che ghe staga sempre arente?
No gh'è Dama, nè Contessa,
470Citadina, o Marcantessa,
