Pagina:Collezione delle migliori opere scritte in dialetto veneziano 5.djvu/52

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     415Inventor fortunatissimo
     De sta amabile sopeta
     Che consola, che dileta.
Catineta,
     Comareta,
     420Riosa, Bortola, Lucieta,
     Via, sorele, tute qua
     A sentir sta rarità...
     Cussì poca, coresin?
     No lateu quel fantolin?
     425Impenive ben la panza:
     No gh'è gnente, assicurevelo,
     Gnente al mondo che la supera
     Per far late in abondanza.
Ola, digo, bela fia,
     430Me se' mollo ingritolia!
     De novembre gavè fredo?...
     Oh ve vedo, sì, ve vedo!
     Ma no tremo minga mi:
     Via, careta, fè cussì.
435Vegna pur tuti i aquiloni,
     Le più fiere levantere,
     Vegna el fredo dei Laponi,
     Co go in panza sto bruetin
     Mi devento un paladin,
     440Mai no tremo, supio e suo,
     Se fusse anca quasi nuo.
Se sta sopa mai va avanti,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_5.djvu/52&oldid=62149"