Pagina:Collezione delle migliori opere scritte in dialetto veneziano 5.djvu/42

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     135El più semplice, el più bon,
     Che fa pronta digestion,
     Che fa un chilo perfetissimo,
     Da sto chilo, che xe un late
     Che se mua po dopo in sangue,
     140Nasse un sangue, un altro late,
     Che portà po da le arterie
     Al cervelo, e ai altri visseri,
     El li rende in conclusion
     Facilissimi,
     145Valentissimi
     A far tute le fonzion.
Ola, amigo, cossa feu?
     Cossa diamberne gaveu
     Che no fè che sbadagiar?...
     150Povereto... se pol dar!
     La Polenta ve fa sono?
     La ve fa malinconia?
     Andè in leto, caro nono,
     Che la testa ve va via.
     155Cossa mai saria de mi,
     Che la magno a tutte l'ore?
     Ma lo diga ste Signore
     Se de note fazzo dì,
     Se son sempre d'un umor...
160Cossa disela, Bonsior?...
     La Polenta xe ordinaria?
     Oe, lighèlo che 'l zavaria.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_5.djvu/42&oldid=62141"