LXIX
Quel oro che a indorar ti à doparà
Sti Cavei che 'l mio cuor tien a caena,
Ma da quala miniera e da che vena,
4Natura, el gastu mai tiolto e scavà?
Gavaressitu fursi destilà
L'ambre, i zafrani e del Perù l'arena?
Ma quel biondo no xe cossa terena,
8E solo in Ciel ti 'l pol aver catà!
E come gastu mai dà quel gagiardo
Lustro e splendor, Natura benedeta,
11Che sti ochi me imbarbagia co li vardo?
Ah! seguro una parte dei so bei
Ragi ti à robà al Sol, e po a Nineta
14Ti ghe li à messi in testa per Cavei!
