LXI
Per solevarme el cuor, per respirar
In salvo, e soto un Cielo più seren,
Dove Apolo e le Muse se tratien
4Me vago qualche volta a rampegar.
Spassizo quei boscheti, e per sorar
Canto, quando più pianzer me convien,
E co quele regazze, o mal o ben,
8Me provo anca la boca de strazzar.
Me però fuma e frize la ferìa,
Ma i tormenti però no me abandona,
11Ma no me lassa la malinconia;
Che vien fina lassù a perseguitarme
Una Coa temeraria, bardassona,
14E gnanca in quei Sagrai posso salvarme!
