XXIII
Sgionfete pur, crudel, come un balon;
Va altiera pur be la to bela Coa,
E d'averme al cervelo un rebalton
4Fato dar, sguazza pur, gongola e noa!
In t'una vaga rioda anca el Paon
Ambizioso slargando va la soa,
Ma co' el se varda i pie, la so ambizion,
8La so superbia in bota zo ghe croa.
Al to barbaro cuor, nio de rigor,
Date anca ti un'ochiada, Nina avara,
11E te passarà tuto quel umor.
Se quanto ti ga bela e senza tara
La Coa, ti ti avessi belo el cuor,
14Ma Dio, mio Dio, co' ti saressi rara!
