Pagina:Collezione delle migliori opere scritte in dialetto veneziano 3.djvu/16

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

     Le ochiae che impizzarave i sassi, i muri,
     Le tartufole, i cardi, le carote
     À preparà cenando in compagnia
     Sin dopo mezzo dì lo porta via.
4Fra i sbadagi e 'l tabaco, una gratada;
     E un poco de cafè passa un'altr'ora;
     E dopo una potente impelizzada
     Co molto ardir se vien dal leto fora;
     Xe la fassina pronta za e impizzada,
     E 'l saco preparà su la so' stiora,
     La nota dei teatri e del festin
     Xe messa sora el solito taolin.
5Resta do orete, e le marmote e i tassi
     No ghe n'à tante, perchè sempre i dorme:
     Le xe anca trope a far cinquanta passi,
     E a contemplar tre o quatro bele forme;
     E avanzarave da brusar do fassi,
     Ma tropo a la natura xe conforme
     Scaldarse al fogo, e un fasso, o una fassina
     Scombussola ogni testa Citadina.
6Ghe vol un caldo Citadin, che sia
     Calor bensì, ma temperà da l'aria,
     Ch'el polmon manda fora incarbonia,
     Che da quela vital xe molto varia,
     Ma a dir el vero assae più incivilia;
     Cussì el cervelo certo no zavaria,
     Che questa, e 'l fumo che un fornelo porta
     In un dolce sopor ghe lo trasporta.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_3.djvu/16&oldid=69838"