II. CANZONETTA
Amor, Nina, me stuzzega
Perchè continua a amarte,
Ma el to' contegno, o barbara,
4Me stimola a lassarte.
El to viseto amabile
Per mi xe una magia,
Ma quel to' cuor volubile
8Xe pien de tirania.
Incanta el to gran spirito,
Le paroline e i vezzi,
Ma chi pol mai resister
12Ai tanti to' disprezzi?
Per tì d'amor zavario,
Ma senza compassion
Tì tuto a l'incontrario
16De mì ti fa sbolzon.
Ti fa de mi un redicolo
Che tropo xe indiscreto,
Epur senza dolermene
20Sofrirlo me assogeto.
Me bastarìa sensibile
Trovarte al mio dolor,
Ma co tut'altri prodiga,
24Che a mi, ti xe d'amor.
