PER LA SOSPENSIONE DI UN DUODO MINISTRO E LA SOSTITUZIONE DI UN VARUTI NELL'AMMINISTRAZIONE ALLE MANI-MORTE
Mi za me la figuro, e me la ideo
Da dove sia vegnù st’umor fantastico
De desfar co sta furia el Duodo Ebreo,
4E tuti quei ministri del Catastico.
Uno che peritava a menadeo
Ogni fondo, ogni ben de l’Eclesiastico,
Che in te le carte el ghe trovava el neo
8Perchè più presto se vegnisse al mastico.
Dai diese Savj vien tuo sto fogo:
Per far magnar da un altro i desfa el Duodo,
11E del ben de la Chiesa se fa zogo.
Povera roba che va tuta in brodo!
No volè che l’Ebreo gabia più logo,
14E sperè che Varuti bata sodo?
Figurève se lodo;
Se acordo che sia ben, se ve ringrazio!
17Un afamà sostituirme a un sazio!
