IL CHINETI CORRIERE DELLA REPUBBLICA ALLE PORTE DEL PARADISO
A le porte arivà del Paradiso
El Chineti co le Regolazion;
E coi Decreti de la Sopression,
4A Piero i ghe n’à dato subito aviso.
Col cortelo che a Malco ga reciso
La rechia, e co le chiave del Porton
Piero xe capità; ma dal balcon
8El Corier l’à vardà subito in viso:
Co l’à visto ch’el ga un san Marco in peto,
L’à dito: Chi comanda qua de sora
11A Veneziani no ghe dà riceto;
Ghe n’è scampà qualcun drento a bon’ora
Ma adesso che i gavemo in gran sospeto
14S’à da veder qua suso el primo ancora.
