SOPRA UN DECRETO DI SOPPRESSIONE DEI PADRI DI S. FRANCESCO DE PAOLA
Per far che l’ogio vegna a bon mercà
I l’à tanto zirada e razirada,
Che so Zelenze al fin ghe l’à catada,
4Ma Dio sa quando la principierà!
Intanto a trentado’ el se venderà,
Che za la povertà xe rassegnada
A viver de speranza, acostumada
8Sin da quel dì ch’el Loto à scomenzà?
Com’i à visto che in tante Religion
Una ghe n’è composta de Fradeli
11Che vive d’ogio per Costituzion,
Per no scazzarli via come rebeli,
I à decretà, che per consumazion
14Da so posta se stue sti cesendeli.
Oh, per Dio, semo beli!
I leva el frate, i lassa star l’Ebreo,
17I pensa a l’ogio, e semo za in aseo.
